2025-жылга карата мамлекеттик заказдын алкагындагы илимий-изилдөө иштери (ИИИ) боюнча экинчи консультациялар өткөрүлдү

21.10.2025

Кыргыз Республикасынын Президентине караштуу Жусуп Абдрахманов атындагы Мамлекеттик башкаруу академиясы  Жусуп Баласагын атындагы Кыргыз улуттук университети (КУУ) менен биргеликте 2025-жылга карата мамлекеттик заказдын алкагында ишке ашырылып жаткан илимий-изилдөө иштеринин (ИИИ) аткарылышына арналган экинчи консультациялык жолугушууну өткөрдү.

Экинчи консультациялык жолугушуу Академия менен КУУнун өкүлдөрүн, ошондой эле Кыргыз Республикасынын Президентинин Администрациясынын (КР ПА), Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин (МКЖӨБА), жана Кыргыз Республикасынын Экономика жана коммерция министрлигинин өкүлдөрү сыяктуу негизги бенефициар-кардарларды чогултту.

Жолугушуунун жүрүшүндө стратегиялык документтердин негизинде иштелип чыккан жана мамлекеттик жана муниципалдык башкаруу чөйрөсүндөгү актуалдуу көйгөйлөрдү эске алган алты негизги багыт боюнча илимий-изилдөө иштеринин аткарылышынын алдын ала жыйынтыктары угулду:

1. КРнын мамлекеттик жана муниципалдык кызмат тутумун ички жана тышкы чакырыктардын шарттарында модернизациялоо.
2. КРда мамлекеттик жана муниципалдык кызмат көрсөтүү тутумунун натыйжалуулугун жогорулатуунун рыноктук механизмдери.
3. Заманбап чакырыктардын шарттарында ММКны окутуу тутумун өркүндөтүү.
4. КРнын мамлекеттик жана муниципалдык кызматкерлерин окутууда компетенттүүлүк мамилесинин моделин иштеп чыгуу.
5. Кыргыз Республикасынын ММКнын жетектөөчү кызматтарындагы гендердик аспектилер (жергиликтүү бийлик органдарынын мисалында).
6. Кыргыз Республикасынын мамлекеттик жана муниципалдык кызматтарынын кадрлар резерви институтун өнүктүрүү.

Жолугушуунун катышуучулары Техникалык тапшырмаларга жана Иш пландарына ылайык сунушталган жыйынтыктарды жигердүү талкуулашты. Изилдөөлөрдүн сапатын жана практикалык маанисин жогорулатууга, ошондой эле аларды белгиленген мөөнөткө – 2025-жылдын 30-ноябрына карата натыйжалуу аяктоого багытталган тиешелүү комментарийлер жана сунуштар берилди.

КУУ менен түзүлгөн Келишимдин шарттарына ылайык, кийинки маанилүү этап изилдөөчү топтор тарабынан Тегерек столдорду өткөрүү жана андан кийин Академиянын Эксперттик комиссиясынын алдында алдын ала коргоо үчүн 2025-жылдын 1-ноябрына чейин алдын ала отчетторду тапшыруу болуп саналат.