Чонбук Улуттук Университетинин (Түштүк Корея) өкүлдөрү менен жолугушуу

16.10.2025

2025-жылдын 11-октябрында Кыргыз Республикасынын Президентине караштуу Жусуп Абдрахманов атындагы Мамлекеттик башкаруу академиясында Түштүк Кореянын Чонбук Улуттук Университетинин өкүлдөрү менен жолугушуу болуп өттү. Жолугушуунун жүрүшүндө академиялык кызматташуу, студенттер жана окутуучулар алмашуу, ошондой эле жасалма интеллект жана мамлекеттик кызматтардагы санариптик технологиялар жаатында биргелешкен илимий изилдөөлөрдү жүргүзүү мүмкүнчүлүктөрү талкууланды.

Кыргызстандык студенттерди Түштүк Кореяда окутууга тартуу мүмкүнчүлүгүнө өзгөчө көңүл бурулду. Университет Кыргызстандык студенттер үчүн бир семестрге толук стипендияларды, ошондой эле акысыз жатакана сунуштады, мында биринчи курс бакалавриат студенттерине жана окуудагы ийгиликтүү студенттерге артыкчылык берилет. Жолугушуунун алкагында академиялык мобилдүүлүктүн жана биргелешкен илимий долбоорлордун мүмкүн болгон формалары да талкууланды.

Жолугушуунун жыйынтыгында тараптар сүйлөшүүлөрдү улантууну жана кызматташуу жөнүндө макулдашууну иштеп чыгууну макулдашты. Жакынкы аралыкта академиялык алмашууну өнүктүрүү, биргелешкен изилдөөлөрдү жүргүзүү жана эки университеттин ортосундагы байланыштарды кеңейтүү ниетин расмий түрдө бекитүүчү меморандумга кол коюу пландаштырылууда.