Академиянын 2025-жылы аяктаган бүтүрүүчүлөрүнө диплом тапшыруу аземи.

18.09.2025

2025-жылдын 12-сентябрында Кыргыз Республикасынын Президентине караштуу Жусуп Абдрахманов атындагы Мамлекеттик башкаруу академиясында 2025-жылы аяктаган бүтүрүүчүлөргө диплом тапшыруу салтанаттуу аземи болуп өттү.

Иш-чаранын жүрүшүндө академиянын ректору Айгюль Муратовна Калчакеева бүтүрүүчүлөрдү куттуктап, аларга ийгиликтерди каалап, алардын мамлекеттик кызматка даярдыгын баса белгиледи. Быйыл академияны 215 магистр жана 163 бакалавр аяктады, бул мамлекеттик кызмат үчүн жаңы кадрларды даярдоого маанилүү салым болуп саналат.

Салтанаттуу аземге бир катар ардактуу коноктор катышты, алардын ичинде:

• Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинин директору Кудайберген Базарбаевич Базарбаев,

· Кыргыз Республикасынын юстиция министринин орун басары Орозбек Кадырбекович Сыдыков,

• Кыргыз Республикасынын Министрлер Кабинетине караштуу Климаттык каржы борборунун климат саясаты жана финансы боюнча эксперти Кубанычбек Карыпбекович Кудабаев.

Кудайберген Базарбаевич Базарбаев,  Орозбек Кадырбекович Сыдыков жана Кубанычбек Карыпбекович Кудабаев бакалавриат жана магистратура программаларынын бүтүрүүчүлөрүнө дипломдорду, анын ичинде артыкчылык дипломдорду тапшырышты.

Бул азем жаш адистердин жашоосундагы жаңы баскычы болуп, алар алган билимин жана көндүмдөрүн Кыргызстанды өнүктүрүү үчүн колдонууга даяр экендигин белгилешти.